OPEC nisi sot një samit ministror dyditor, që duhet ta lejojë atë të vendosë mbi kuotat për kufizimin e prodhimit të ardhshëm të naftës, në një treg ende të ndikuar rëndë nga pandemia e COVID-19.
Të trembëdhjetë anëtarëve të Organizatës së Vendeve Eksportuese të Naftës (OPEC) do t’u bashkohen nesër dhjetë aleatët e tyre nga OPEC +, më e rëndësishmja midis tyre, Rusia.
Qëllimi i përbashkët i aleancës së vendeve prodhuese është të mbajë në këmbë tregun e prodhimit bruto përballë pandemisë së COVID-19, që po rimëkëmbet nga humnerat në të cilat çmimet e kishin zhytur atë në fund të muajit prill.
“Kriza shëndetësore vazhdon të ketë pasoja të pashembullta negative në ekonominë botërore dhe, rrjedhimisht, në tregjet e energjisë”, paralajmëroi ministri algjerian i Energjisë, Abdelmadjid Attar, i cili mban presidencën e radhës së kartelit.
Për të ndaluar rënien e çmimeve, grupi i prodhuesve po përdor armën e tij kryesore duke detyruar shkurtime drastike në prodhimin e tij të arit të zi, në mënyrë që ta përshtatë atë në nivelin e kërkesës./ATSh/
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...